Valgerður Sverrisdóttir fylgist með kosningum í Rússlandi

Valgerður Sverrisdóttir, þingmaður Framsóknarflokksins er stödd í Rússlandi þar sem hún verður við eftirlit í þingkosningunum sem fram fara á morgun.

Valgerður er þarna á vegum þingmannasambands Öryggis og Samvinnustofnunar Evrópu.

Valgerður sagði í samtali við fréttastofu Stöðvar 2, að hún hefði setið marga fundi með frambjóðendum og vissulega fengið að heyra sögur, ekki fallegar.

Hún væri hinsvegar bundin trúnaði. Hlutverk hennar og hinna þingmannanna væri heldur ekki að rannsaka slíkt heldur fara á milli kjörstaða á morgun, og sjá hvernig þær fara fram.

Á mánudag verði svo samin skýrsla um niðurstöðurnar.