Brasílískur jólasveinn í kúlnahríð

Bófaflokkur í fátækrahverfi í Ríó de Janeiró í Brasílíu hóf í gær skothríð úr vélbyssum á þyrlu sem sveimaði yfir hverfinu þar sem þeir ráða lögum og lofum. Þetta þykir varla fréttnæmt í borginni en það sem ribbaldarnir vissu ekki var að um borð í þyrlunni var sjálfur jólasveinninn sem var á leið með pakka til fátækra barna í öðru fátæktarhverfi.

Mikil mildi þykir að flugmanni þyrlunnar hafi tekist að halda henni á lofti en þó þurfti hann að lenda henni á nálægum flugvelli. Þaðan ók svo jólasveinninn með pakkana til krakkana í leigubíl.