Spalletti segir sökina sína

Luciano Spalletti, þjálfari Roma, tekur á sig sökina á slakri byrjun Roma á tímabilinu. Eftir að hafa barist um meistaratitilinn á síðustu leiktíð er Roma nú aðeins stigi frá fallsæti.

„Það hefur aldrei komið upp í huga minn að hætta vegna þess að ég elska starf mitt það mikið. Þegar ég geri það ekki lengur þá mun ég stíga til hliðar. Það er líka annað mál ef félagið biður mig um uppsögn," sagði Spalletti.

„Ég held bara áfram að sinna mínu starfi eins og ég get best. Ég er ekki að fara að flýja vandræðin heldur vil ég takast á við þau. Þjálfarinn verður alltaf að taka ábyrgð á því hvernig liðinu gengur."

Spalletti nýtur enn fulls trausts hjá stjórn Roma en hópur stuðningsmanna félagsins telja þó að tími hans sé á enda og heimta breytinga.