Ævintýrið heldur áfram hjá Norman

Greg Norman hefur tveggja högga forystu fyrir lokadaginn á opna breska meistaramótinu í golfi. "Hvíti hákarlinn" lék á tveimur höggum yfir pari í dag eða 72 höggum, en mikill vindur gerði kylfingum erfitt fyrir.

Hinn 53 ára gamli og tvöfaldi sigurvegari þessa móts, hefur slegið rækilega í gegn og á góða möguleika á að verða elsti maðurinn til að vinna sigur á mótinu í sögunni. Hann vann fyrst sigur á opna breska fyrir 22 árum.

Padraig Harrington og KJ Choi eru í öðru til þriðja sæti á mótinu eftir að hafa leikið á 72 og 75 höggum í dag. Englendingurinn Simon Wakerfield kemur svo einu höggi þar á eftir.