Retro Stefson, Reykjavík!, Agent Fresco og Múgsefjun verða á meðal þeirra sem koma fram á árlegri jólahátíð Kimi Records á Nasa klukkan 20 í kvöld. Með tónleikunum vill fyrirtækið fagna útgáfuárinu með vinum og vandamönnum.
Miðaverð er 500 krónur og einnig geta gestir keypt aðgöngumiða og plötu á 1500 krónur. Á síðunni Kimi.grapewire.net er einnig hægt að nálgast jólagjöf frá Kimi Records. Þar er á ferðinni tuttugu laga rafræn plata með lögum úr útgáfuskrá Kimi.
