Vignir og Jóna blakfólk ársins

Vignir Þröstur Hlöðversson er blakmaður ársins 2008 og Jóna Guðlaug Vigfúsdóttir er blakkona ársins. Þetta var ákveðið á fundi stjórnar Blaksambands Íslands í gær.

Vignir leiddi lið sitt, Stjörnuna, til sigurs í öllum keppnum á síðasta tímabili. Stjarnan hefur unnið 17 af síðustu 18 titlum á 6 ára tímabili undir stjórn Vignis Hlöðverssonar en hann hefur verið fyrirliði liðsins og þjálfari undanfarin ár.

Jóna leiddi Þrótt Neskaupsstað til sigurs í öllum keppnum á síðasta tímabili. Hún var stigadrottningin á síðasta ári með flest stig skoruð og efst í sóknarstigum og stigum skoruðum úr uppgjöf. Í vetur hefur Jóna spilað með Tromsö Volley í Noregi.