Kaka meiddist á æfingu

Ólíklegt er talið að brasilíski snillingurinn Kaka verði með AC Milan gegn Napoli um næstu helgi. Kaka meiddist eftir að hafa lent í samstuði við Yoann Gourcuff á æfingu í gær.

Carlo Ancelotti, þjálfari AC Milan, bíður með öndina í hálsinum eftir að í ljós kemur hve lengi Kaka verður frá.

Kaka er gríðarlega mikilvægur hlekkur fyrir lið AC Milan en hann var valinn besti knattspyrnumaður ársins 2007 hjá FIFA. AC Milan hefur ollið miklum vonbrigðum á tímabilinu en liðið er sem stendur í 12. sæti ítölsku deildarinnar.