Norska RÚV gerir þátt um gosið í Eyjum

Norski sjónvarpsmaðurinn Geir Helljesen var á ferðinni í Vestmannayjum í vikunni en hann var að vinna að gerð sjónvarpsþáttar um eldgosið sem sýndur verður á besta tíma í norska ríkissjónvarpinu.

Geir hefur fylgst vel með í Eyjum, flaug yfir gosstöðvarnar fyrir 35 árum og kom hingað þrívegis í gosinu og nokkrum sinnum síðan þá.

Suðurland.is skýrir frá þessu og segir að Geir sé með þekktari sjónvarpsmönnum Noregs. Kunnugir segi að hann sé Ómar Ragnarsson þeirra Norðmanna.