Ballesteros fór í tólf tíma aðgerð

Golfgoðsögnin Seve Ballesteros hefur gengist undir 12 tíma langa aðgerð vegna heilaæxlis og er ástand hans stöðugt. Aðgerðin var framkvæmd í Madrid og í blaðinu Marca kemur fram að hann hafi náð meðvitund.

Hann verður áfram á gjörgæslu en aðstandendur hans fá ekki að heimsækja hann í nokkra daga á meðan hann jafnar sig.

Ballesteros, sem á sínum tíma vann 87 titla á ferlinum, hneig niður á flugvellinum í Madrid í síðustu viku og við rannsókn kom í ljós að hann var með heilaæxli.