Ólafur og Ásta sigruðu á Leiru

Ólafur Hreinn Jóhannesson úr GS og Ásta Birna Magnúsdóttir úr GK unnu í dag sigur á Leirunni á öðru móti Kaupþingsmótaraðarinnar í golfi.

Ólafur hafði forystu eftir fyrsta hringinn í gær þegar hann lék á þremur höggum yfir pari, en hann kláraði hringinn í dag á pari vallar - 72 höggum. Þetta var fyrsti sigur Ólafs á mótaröðinni.

Davíð Már Vilhjálmsson úr GKj varð í öðru sæti, einu höggi á eftir Ólafi. Pétur Óskar Sigurðsson úr GR og Björgvin Sigurbergsson úr GK urðu í jafnir í þriðja sætinu á fimm undir pari samtals.

Í kvennalfokki sigraði Ásta Birna Magnúsdóttir sem fyrr segir, en hún lék á 74 höggum í dag, tveimur yfir pari. Hún lauk því keppni á 13 yfir pari samtals eftir að hafa gengið erfiðlega í gær vegna veðurs eins og öðrum keppendum.

Ragna Björk Ólafsdóttir úr GK varð í öðru sæti og Ragnhildur Sigurðardóttir úr GR í þriðja sæti, en þrjár efstu konurnar voru hnífjafnar eftir fyrri daginn.