Menningarverðlaun DV veitt

Mannfreð Vilhjálmsson arkitekt hlaut heiðursverðlaunin á Menningarverðlaunum DV sem afhent voru í dag. Verðlaunin fær Manfreð fyrir frábært framlag sitt til íslenskrar arkitektar. Menningarverðlaun DV eru árlegur viðburður þar sem veitt eru verðlaun fyrir einstakt framlag einstaklinga til menningarinnar, að mati dómnefndar í hverjum flokki. Það var forseti Íslands, hr. Ólafur Ragnar Grímsson, sem afhenti heiðursverðlaunin. Að auki voru veitt sérstök netverðlaun.

Tilnefningar og sigurvegarar voru þeir sem hér segir:

Í flokknum Kvikmyndir:

· Skjaldborg - kvikmyndahátíð

· Kjötborg eftir Helgu Rakel Rafnsdóttur og Huldu Rós Guðnadóttur - SIGURVEGARI

· Dagvaktin í leikstjórn Ragnars Bragasonar

· Smáfuglar eftir Rúnar Rúnarsson

· Brúðguminn eftir Baltasar Kormák

Í flokknum Hönnun:

· Table 29

· Skólínan Kron by KRONKRON

· Stefnumót bænda og hönnuða

· Katrín Ólína Pétursdóttir - SIGURVEGARI

· Siggi Eggerts

Í flokknum Leiklist:

· Brynhildur Guðjónsdóttir / Leikur og handrit að Brák

· Kristín Jóhannesdóttir / Leikstjórn Utan gátta eftir Sigurð Pálsson

· Björn Hlynur Haraldsson / Leikstjórn og handrit að Dubbeldusch

· Gunnar Eyjólfsson / Jónatan í Hart í bak - SIGURVEGARI

· Rúnar Guðbrandsson / Leikstjórn og handrit að verkinu Steinar í djúpinu

Í flokknum Fræði:

· Guðmundur Eggertsson / Fyrrverandi prófessor við Háskóla Íslands, fyrir bókina Leitin að uppruna lífs: líf á jörð, líf í alheimi; Bjartur 2008.

· Guðrún Ása Grímsdóttir / Sérfræðingur á Stofnun Árna Magnússonar í íslenskum fræðum, fyrir ritstjórn og útgáfu bókarinnar Ættartölusafnrit séra Þórðar í Hítardal I-II; St.Á.M. 2008.

· Halldór Björnsson / Sérfræðingur á Veðurstofu Íslands, fyrir bókina Gróðurhúsaáhrif og loftslagsbreytingar; Hið íslenska bókmenntafélag, 2008.

· Kristmundur Bjarnason / Fyrir bókina Amtmaðurinn á einbúasetrinu; Forlagið 2008.

· Þorvaldur Gylfason / Prófessor í hagfræði við Háskóla Íslands, fyrir skrif um hagfræði og efnahagsmál í blöðum, tímaritum og bókum á síðustu áratugum. - SIGURVEGARI

Í flokknum Bókmenntir:

· Sjáðu fegurð þína eftir Kristínu Ómarsdóttur

· Konur eftir Steinar Braga

· Árstíð í helvíti eftir Arthur Rimbaud í þýðingu Sölva Björns Sigurðssonar

· Rán eftir Álfrúnu Gunnlaugsdóttur - SIGURVEGARI

· Apakóngur á Silkiveginum í þýðingu Hjörleifs Sveinbjörnssonar

Í flokknum Myndlist:

· Ferðalag / Sýningarstjóri Björn Roth

· Bragi Ásgeirsson / Yfirlitssýning Augnasinfónía á Kjarvalsstöðum - SIGURVEGARI

· Eirún Sigurðardóttir / Höll blekkinganna, í Suðsuðvestur, Reykjanesbæ

· Haraldur Jónsson / Myrkurlampi í Listasafni ASÍ

· Sigrún Sirra Sigurðardóttir / Óvissulögmálið í Kling & Bang galleríi

Í flokknum Byggingarlist:

· Þjónustubyggingar KGRP við Gufuneskirkjugarð, starfsmannahús. Þvervegur 1-7, Reykjavík

o Arkitektar: Arkibúllan:Hólmfríður Ósmann Jónsdóttir, arkitekt FAÍ, og Hrefna Bjög Þorsteinsdóttir, arkitekt FAÍ

· Grunnskólinn á Ísafirði

o Arkitektar: Arkiteó, Einar Ólafsson, arkitekt FAÍ

· Menntaskóli Borgarbyggðar - SIGURVEGARI

o Arkitektar: Kurtogpí; Ásmundur Hrafn Sturluson, arkitekt FAÍ og Steinþór Kári Kárason, arkitekt FAÍ

· Vigtarhús Þorlákshöfn

o Arkitektar: Yrki ehf; Ásdís H. Ágústdóttir, arkitekt FAÍ, og Sólveig Berg, arkitekt FAÍ

· Fuglasafn Sigurgeirs Stefánssonar

Arkitektar: Mannfreð Vihjálmsson, arkitekt FAÍ

Í flokknum Tónlist:

· Sinfóníuhljómsveit Íslands - SIGURVEGARI

· Elfa Rún Kristinsdóttir og Melkorka Ólafsdóttir

· Kristinn Sigmundsson

· Hjaltalín - VAL LESENDA / NETVERÐLAUN

· FM Belfast

Menningarverðlaun DV komu til sögunnar árið 1978 í framhaldi gagnrýnendaverðlauna sem kennd voru við Silfurlampann og Silfurhestinn. Síðan hafa verðlaunin verið árviss að undanskildum tveimur árum sem þau féllu niður.

Verðlaunagripurinn er eftir listakonuna Huldu Hákon og kallast „Jónas" eftir frumkvöðlinum, Jónasi Kristjánssyni, fyrrverandi ritstjóra DV.