Tiger úr leik

Tiger Woods féll úr keppni í annari umferð á Match Play-championship mótinu í gær.

Tiger tapaði, 4&2, fyrir Tim Clark. Þrátt fyrir tapið var Tiger sáttur við endurkomuna.

„Ég hitti einu sinni illa með átta járninu og átti eitt slæmt upphafshögg. Ég var því ánægður með hvernig ég var að slá boltann. Tim er frábær leikmaður sem nældi í fugla á meðan ég var ekki að klára púttin mín. Mér líður mjög vel eftir þetta. Nú er að fara heim og íhuga hvað ég ætla að gera næst," sagði Tiger.

Clark var eðlilega sáttur.

„Ég þurfti stundum að reyna að gleyma því við hvern ég væri að spila. Ég spilaði við hann hér fyrir tveim árum þannig að ég vissi vel við hverju var að búast. Ég var samt svolítið stressaður á fyrsta teig," sagði Clark og brosti.