Sævar Þór valinn bestur og Guðmundur efnilegastur

1. deildarmeistarar Selfoss unnu þrefalt í árlegu vali sem vefsíðan fótbolti.net stóð fyrir á besta og efnilegasta leikmanni deildarinnar, besta þjálfaranum og liði ársins. Það eru fyrirliðar og þjálfarar liðanna í deildinni sem kusu.

Sævar Þór Gíslason var valinn bestur, Guðmundur Þórarinsson þótti efnilegastur og Gunnlaugur Jónsson var kosinn besti þjálfarinn. Selfoss-liðið átti síðan fjóra leikmenn í liði ársins því auk Sævars Þórs voru þeir Agnar Bragi Magnússon, Jón Steindór Sveinsson og Einar Ottó Antonsson í úrvalsliðinu. Ingólfur Þórarinsson var síðan á bekknum í úrvalsliðinu.

Sævar Þór Gíslason fékk mjög góða kosningu í fremstu víglínu en hann fékk 21 atkvæði og vantaði því bara eitt atkvæði upp á að fá fullt hús. Sævar fékk einnig mjög góða kosningu í vali á leikmanni ársins.

Alls fengu 14 leikmenn atkvæði í vali á efnilegasta leikmanni deildarinnar. Átta þeirra eru í U19 ára landsliði Íslendinga.

Lið ársins í 1.deildinni 2009

Markvörður:

Sandor Matus (KA)

Varnarmenn:

Haukur Heiðar Hauksson (KA)

Þórhallur Dan Jóhannsson (Haukar)

Agnar Bragi Magnússon (Selfoss)

Jón Steindór Sveinsson (Selfoss)

Miðjumenn:

Guðjón Pétur Lýðsson (Haukar)

Einar Ottó Antonsson (Selfoss)

Jóhann Ragnar Benediktsson (Fjarðabyggð)

Sóknarmenn:

Árni Freyr Guðnason (ÍR)

David Disztl (KA)

Sævar Þór Gíslason (Selfoss)

Varamannabekkur:

Amir Mehica (Haukar) - Markvörður

Halldór Kristinn Halldórsson (Leiknir R.) - Varnarmaður

Heimir Einarsson (ÍA) - Varnarmaður

Ingólfur Þórarinsson (Selfoss) - Miðjumaður

Hilmar Geir Eiðsson (Haukar) - Sóknarmaður

Bestur: Sævar Þór Gíslason (Selfoss)

Efnilegastur: Guðmundur Þórarinsson (Selfoss)

Besti þjálfarinn: Gunnlaugur Jónsson (Selfoss)