Erfitt að hafna boði upp á 100 milljónir evra

Marco Tronchetti, yfirmaður íþróttamála hjá Inter á Ítalíu, segir að það yrði erfitt að hafna boði í Zlatan Ibrahimovic upp á 100 milljónir evra.

Talið er að Manchester City hafi reynt að kaupa Brasilíumanninn Kaka frá AC Milan fyrir ekki minni upphæð en ekkert varð úr því þar sem Kaka vildi ekki fara.

„Ibrahimovic er mikill meistari. Aðeins (Massimo) Moratti (forseti Inter) getur svarað því hvort hann sé falur fyrir 100 milljónir evra. En ég held að það væri erfitt að hafna slíkri upphæð."