Sneijder hamingjusamur hjá Inter

Hollendingurinn Wesley Sneijder segist njóta sín í botn hjá Inter og saknar ekkert tímanna hjá Real Madrid þar sem hann náði sér aldrei almennilega á strik.

„Ég elska allt við Ítalíu og ég er að spila á hinum fullkomna stað," sagði Sneijder kátur.

„Ég get sagt í fullri alvöru að mér hefur aldrei áður liðið svona vel. Ég hef aldrei upplifað svona góða tilfinningu áður. Ég sakna einskis frá Madrid og sé svo sannarlega ekki eftir því að hafa farið þaðan," sagði Sniejder sem hrósar einnig þjálfaranum, Mourinho.

„Leyndarmál Mourinho er að hann er eins og faðir við leikmennina. Við höfum náð frábærlega saman og stundum finnst mér við vera einn og sami maðurinn."