Skaftárhlaup hafið

Skaftárhlaup hófst nú rétt upp úr eitt í dag. Ekki liggja fyrir upplýsingar um stærð hlaupsins eða umfang. "Það er rétt að hefjast," segir Óðinn Þórarinsson framkvæmdastjóri hjá Veðurstofu Íslands.

Óðinn segir fyrstu vísbendingar um flóðið hafa borist upp úr miðnætti í nótt en það hafi ekki verið fyrr en um hádegisbilið sem óyggjandi sannanir um að hlaup væri hafið lágu fyrir.

"Ég get ekki sagt með vissu hvenær flóðið muni ná hámarki eða hversu stórt það verður. Þetta er að gerast í þessum töluðu orðum."

Veðurstofan hefur tilkynnt almannavörnum og Vegagerðinni um flóðið og er því tíðinda að vænta um lokanir vega á næstu stundum.