Mourinho er ekki á förum frá Inter

Marco Branca hjá Inter segir að það sé eingöngu draumur blaðamanna að José Mourinho fari frá Inter. Hann segir að Portúgalinn sé alls ekki á förum frá félaginu.

Inter steig stórt skref í átt að magnaðri þrennu í gærkvöldi. Liðið er á toppnum á Ítaliu, í úrslitum Meistaradeildarinnar sem og ítalska bikarnum.

„Mourinho var líka orðaður við Real Madrid í fyrra. Hann er samt hamingjusamur hjá okkur og við erum ánægðir með að hafa hann. Þessar sögur eru bara draumar blaðamanna. Það kemur ekki til greina að Mourinho fari frá Inter," sagði Branca.