Ronaldinho fær nýjan samning

Forráðamenn AC Milan eru svo hrifnir af frammistöðu Brasilíumannsins Ronaldinho í vetur að félagið ætlar að bjóða honum nýjan langtímasamning.

Þessi fyrrum besti knattspyrnumaður heims hefur gengið í endurnýjun lífdaga í vetur og spilað frábærlega. Hann skoraði meðal annars sína fyrstu þrennu fyrir Milan um síðustu helgi er liðið lagði Siena, 4-0.

Núverandi samningur Ronaldinho við félagið rennur út sumarið 2011 en Milan vill halda þessum 29 ára snillingi lengur en það hjá félaginu enda hefur Milan margoft sýnt að félagið kann ansi vel að halda eldri leikmönnum í formi.