Pape skoraði fyrir Fylki en var síðan fluttur á sjúkrahús

Pape Mamadou Faye skoraði eitt þriggja marka Fylkis í 3-1 sigri á Stjörnunni í leik liðanna í Lengjubikarnum í kvöld. Hin mörk liðsins skoruðu þeir Albert Brynjar Ingason og Ingimundur Níels Óskarsson. Þorvaldur Árnason skoraði mark Stjörnunnar.

Pape Mamadou Faye skoraði markið sitt á 80. mínútu leiksins eftir að hafa komið inn á sem varamaður í hálfleik. Pape fékk síðan slæmt höfuðhögg skömmu síðar og var á endanum fluttur á sjúkrahús. Þetta kom fram á vefsíðunni fotbolti.net í kvöld.