Matthías og Kolbeinn opnuðu markareikninginn sinn - myndband

Matthías Vilhjálmsson og Kolbeinn Sigþórsson skoruðu sínu fyrstu mörk fyrir A-landsliðið þegar liðið vann 2-0 sigur á Færeyjum í vináttulandsleik í Kórnum síðasta sunnudag. Kolbeinn skoraði í sínum fyrsta leik en Matthías var að leika sinn þriðja landsleik.

Það er núna hægt að skoða mörkin þeirra inn á vef Knattspyrnusambands Íslands, ksi.is, eða með því að smella hér.

Matthías Vilhjálmsson skoraði fyrra markið á 10. mínútu eftir góða sendingu frá Arnóri Aðalsteinssyni frá vinstri kanti og Kolbeinn Sigþórsson skoraði seinna markið á 37. mínútu eftir góðan undirbúning frá Skúla Jón Friðgeirssyni og Steinþóri Frey Þorsteinssyni.

Íslenski hópurinn er nú staddur í Bandaríkjunum en þar leikur liðið vináttulandsleik gegn Mexíkó á morgun, miðvikudag. Leikurinn verður í beinni útsendingu á Stöð 2 Sport og hefst útsendingin kl. 23.50.