Íslenska kvennaliðið í 42. sæti á HM

Íslenska kvennalandsliðið í golfi endaði í 42. sæti ásamt Brasilíu á heimsmeistaramótinu í Argentínu sem lauk í dag. Íslenska liðið lék samtals á 609 höggum.

Signý Arnórsdóttir GK lék best í dag en hún lék á 74 höggum eða 2 yfir pari. Guðrún Brá Björgvinsdóttir GK lék á 77 höggum og Tinna Jóhannsdóttir lék á 78 höggum.

Lið Kóreu vann nokkuð öruggan sigur en þær léku á 546 höggum, í öðru sæti urðu þær bandarísku á 563 höggum. 

Frændur okkar Svíar urðu í þriðja sæti ásamt Frökkum og Suður-Afríku á 573 höggum.