90 keppendur eftir á Íslandsmótinu

Alls keppa 73 karlar í dag á Íslandsmótinu og 17 konur. Þetta er ljóst eftir niðurskurðinn sem gerður var eftir fyrri tvo hringina. Niðurskurðurinn í karlaflokki miðast við þá sem léku 36 holur á 165 höggum, eða 23 höggum yfir pari. Allar konurnar komast áfram þar sem þær voru aðeins 17, en samkvæmt reglugerð eiga þær að vera 18 sem komast áfram. Ræst verður út eftir skori í dag, fyrst þrjú kvennaholl frá klukkan 7.50. Karlaholl verða síðan ræstir út frá klukkan 08:20 til 12:00. Klukkan 12:10 til 12:30 verða ræst út þrjú kvennaholl og loks fjögur síðustu karlahollin frá klukkan 12:40 til 13:20.