Herjólfur lagður frá höfn

Skemmdir á Herjólfi voru ekki eins alvarlegar og leit út í fyrstu. Herjólfur er lagður aftur frá höfn í seinni ferð sína til Þorlákshafnar.

Herjólfur varð vélarvana í dag í innsiglingunni til Vestmannaeyja. Kafarar voru sendir til að kanna skemmdir á skipinu sem var fullhlaðið og sátu farþegar fastir í skipinu meðan rannsókn kafarana fór fram.

Gísli Óskarsson, fréttamaður Stöðvar 2 í Eyjum, segir að menn hafi óttast um stýrisbúnað skipsins þar sem það hafi tekið niðri þegar það varð vélarvana. Betur fór þó en á horfðist og er skipið nú komið aftur á siglingu.