Hólmfríður: Við eigum miklu meira inni

"Þessi bakvörður er ekki sú hraðasta í bransanum," sagði Hólmfríður Magnúsdóttir sem hafði í nógu að snúast í leiknum í dag. Hún var stöðugt ógnandi og skapaði sér og öðrum fullt af færum. Hún gerði hreinlega lítið úr hægri bakverði Norður-Íra og átti stórleik. "Við eigum miklu meira inni. Við vorum að senda of mikið af lélegum sendingum og betri lið hefðu refsað okkur. Við þurfum að laga það og fáum núna tíma til þess." "En við vorum að spila vel inn á milli og fá mikið af flottum sendingum upp í hornin. En við erum klárlega miklu betra en þetta lið en þrjú stig var það sem við lögðum upp með að fá og það gekk upp." "Nú er liðið komið með fínt sjálfstraust fyrir leikinn gegn Króatíu og við förum vel stemmdar inn í hann. Þær eru aðeins grófari en þær Norður-Írsku en við þurfum að laga það sem við gerðum illa í dag fyrir þriðjudaginn," sagði Hólmfríður.