Ein breyting á byrjunarliði Íslands

Sigurður Ragnar Eyjólfsson, landsliðsþjálfari kvenna í knattspyrnu, hefur tilkynnt byrjunarlið sitt fyrir leikinn gegn Króötum á morgun.

Leikið er ytra en leikurinn er liður í undankeppni HM.

Sigurður gerir eina breytingu á byrjunarliði sínu en Rakel Hönnudóttir kemur inn fyrir Dóru Maríu Lárusdóttur.

Leikurinn hefst klukkan 13.30 á morgun.

Byrjunarlið Íslands:

Markvörður: Þóra B. Helgadóttir

Hægri bakvörður: Sif Atladóttir

Vinstri bakvörður: Ólína G. Viðarsdóttir

Miðverðir: Katrín Jónsdóttir, fyrirliði og Dóra Stefánsdóttir

Varnartengiliðir: Edda Garðarsdóttir og Sara Björk Gunnarsdóttir

Sóknartengiliður: Guðný Björk Óðinsdóttir

Hægri kantur: Rakel Hönnudóttir

Vinstri kantur: Hólmfríður Magnúsdóttir

Framherji: Margrét Lára Viðarsdóttir