Morðið í Hafnarfirði enn til rannsóknar

Lögreglan á höfuðborgarsvæðinu rannsakar enn morðið á Hannesi Þór Helgasyni, sem myrtur var í Hafnarfirði þann 15 ágúst síðastliðinn.

Samkvæmt upplýsingum frá Friðriki Smára Björgvinssyni, yfirlögregluþjóni hjá rannsóknardeild lögreglunnar, eru niðurstöður úr lífssýnarannsókn frá Svíþjóð enn ekki komnar til landsins. Þá er geðrannsókn á Gunnari Rúnari Sigurþórssyni, sem situr í gæsluvarðahaldi grunaður um morðið, ekki lokið.

Gunnar Rúnar var úrskurðaður í fjögurra vikna gæsluvarðhald vegna rannsóknarhagsmuna. Það rennur út á föstudaginn.