KA Íslandsmeistari í blaki karla - þrefaldir meistarar

KA frá Akureyri varð í gær Íslandsmeistari í karlaflokki í blaki eftir að hafa lagt HK í annað sinn í úrslitum. KA vann einvígið 2-0 en liðið hafði titil að verja.

HK úr Kópavogi vann fyrstu hrinuna í gær, 25-21, en Íslandsmeistararnir svöruðu strax í næstu hrinu með því að skora 25 stig gegn 24. Þriðja hrinan var einng mjög spennandi og þar hafði KA betur, 25-23 og þeir tryggðu sér Íslandsmeistaratitilinn eftir mikla baráttu í fjórðu hrinu sem endaði 31-29. KA vann því leikinn í gær 3-1 og er liðið þrefaldur meistari í ár.

Bestu leikmenn KA voru þeir Piotr Kempisty með 18 stig fyrir KA, þar af fjóra ása og fyrirliðinn Davíð Búi Halldórsson með 17 stig, þar af 4 hávarnir.

Í liði HK var Orri Þór Jónsson stigahæstur með 17 stig og Einar Sigurðsson með 12 stig, þar af 3 hávarnir.