Heimir og Baldvin: Ræðst á lokaskotinu

Æskufélagarnir Heimir Örn Árnason og Baldvin Þorsteinsson skiptust á léttum skotum eftir sigur Akureyrar á FH í dag, 23-22. Heimir segir að úrslitin í einvíginu ráðist ekki fyrr en á lokaskoti þess, á föstudaginn.

"Þetta hafa verið hnífjafnir leikir og þetta verður þannig áfram," sagði Heimir. "Þetta ræðst síðan bara á lokaskotinu," sagði fyrirliðinn sem er staðráðinn í að spila fimm leiki og taka titilinn á heimavelli á föstudaginn.

Baldvin var eðlilega ekki jafn kátur en býst við hörkuleik á miðvikudaginn.

Rætt er við þá félaga í myndskeiðinu sem hægt er að sjá með því að smella á myndina hér fyrir ofan.