Katrín: Getum vel unnið þennan riðil

„Ég er virkilega sátt með svona byrjun hjá okkur,“ sagði Katrín Jónsdóttir, fyrirliði íslenska landsliðsins í knattspyrnu, eftir 6-0 sigur gegn Búlgaríu í undankeppni Evrópumóts landsliða.

„Það er mikilvægt fyrir okkur að halda markinu hreinu og hvað þá að skora allan þennan fjölda af mörkum“.

„Ég veit samt sem áður að við getum gert betur og hefðum auðveldlega getað skorað fleiri mörk“.

„Þetta er sérstaklega góður hópur og allir leikmenn leggja sig alltaf 100% fram í öllum leikjum, en það á eftir að skila okkur langt í þessari undankeppni“.

„Við teljum okkur vera með nægilega gott lið til að vinna þennan riðil og því erum við ekkert feimnar við að gefa það út“.