Birgir Leifur höggi á eftir efsta manni

Birgir Leifur Hafþórsson er í 2.-6. sæti eftir þrjá daga á móti í Áskorendamótaröð Evrópu sem fer nú fram á Ítalíu.

Birgir Liefur lék á 67 höggum í dag og er samtals á sjö höggum undir pari. Efsti maður mótsins, Anthony Snobeck frá Frakklandi, lék á 65 höggum í dag og er á átta höggum undir pari.

Birgir Leifur byrjaði á því að fá skolla á fyrstu holu í dag en steig svo ekki feilspor eftir það. Hann fékk samtals fimm fugla, þar af fjóra á seinni níu holunum.

Lokakeppnisdagurinn fer fram á morgun.