Djokovic hefur unnið 33 leiki í röð

Tenniskappinn, Novak Djokovic, hefur nú unnið 33 leiki í röð án þess að tapa, en hann gjörsigraði Pólverjann, Lukasz Kubot, í annarri umferð á Rome Masters mótinu á Ítalíu.

Djokovic sigraði Rafael Nadal í úrslitunum á Madrid Masters mótinu í síðustu viku, en hann er nú í öðru sæti heimslistans á eftir Rafel Nadal sem er efstur. Roger Federer er síðan í þriðja sæti listans.

Djokovic nálgast óðum met John McEnroe frá árinu 1984 þegar hann vann 42 leiki í röð á einu tímabili. 

Djokovic kemst í efsta sæti heimslistans ef hann vinnu Rome Masters og Nadal kemst ekki í undanúrslit.