Flugvellir á Egilsstöðum og Akureyri lokaðir vegna ösku

Keflavíkur- og Reykjavíkurflugvellir verða opnaðir á ný klukkan átta, en þeim og flugvöllunum á Egilsstöðum og Akureyri var lokað klukkan ellefu i gærkvöldi vegna ösku í háloftunum.

Egilstaða- og Akureyrarflugvellir eru lokaðir en ekki liggur fyrir hvenær þeir verða opnaðir aftur.

Ein vél frá Icelandair og tvær frá Iceland Express komust ekki til landsins fyrir lokun í gærkvöldi.

Seinkun verður á brottför nlkurra véla frá Keflavík, en þær byrja að fara í loftið á níunda tímanum. Í innanlandsfluginu er enn óvissa um flug til Egilsstaða og Akureyrar.