Pirlo samdi við Juventus

Andrea Pirlo hefur söðlað um og gengið til liðs við Juventus eftir að hafa verið á mála hjá AC Milan í áratug.

Pirlo er 32 ára miðvallarleikmaður og tilkynnti í síðustu viku að hann væri á leið frá Milan. Hann gekkst undir læknisskoðun hjá Juventus í dag og skrifaði svo undir þriggja ára samning við félagið.

Pirlo hefur notið mikillar velgengni undanfarinn áratug en á þeim tíma fagnaði AC Milan tvívegis sigri í meistardeildinni og jafn oft í ítölsku úrvalsdeildinni. Pirlo var einnig í landsliði Ítala sem varð heimsmeistari árið 2006.