Ánægjulegur veiðitúr í Hvannadalsá

Karl Lúðvíksson skrifar 12. júlí 2011 09:55

Af vef þeirra Lax-Á manna var að finna þessa skemmtilegu frétt:

"Árni Eggertsson sendi okkur línu eftir skemmtilegan veiðitúr í Hvannadalsá 7-9 júlí en þetta var í fyrsta skiptið sem þeir félagar reyndu við ánna. Aðstæður voru erfiðar fyrsta daginn þar sem mikið vatn var í ánni en það fór minnkandi næstu daga á eftir.

Félagarnir sáu talsvert af laxi í ánni, meðal annars 15-20 væna laxa í Árdalsfossi. Var sett í þrjá þeirra en enginn náðist á land. Á föstudeginum setti svo Árni í 94cm hrygnu í Árdalsfljóti, sem að sjálfsögðu var sleppt eftir hressilega viðreign. Í lok veiðitúrs voru sex laxar skráðir í veiðibók."

Eins og sést á þessari mynd eru þetta vænir laxar sem liggja þarna á leið sinni upp ánna. Veiðin í ánum fyrir vestan hefur verið á hægri uppleið síðustu ár og það er kannski spurning hvort þetta verði árið þar sem þær blómstra?

Stangveiði