Ragna tapaði fyrir franskri stelpu í Tékklandi

Badmintonkonan Ragna Ingólfsdóttir komst í átta manna úrslit á alþjóðlega tékkneska mótinu í gær en hún féll úr leik í morgun þegar hún tapaði fyrir Sashina Vignes Waran frá Frakklandi.

Ragna tapaði í tveimur hrinum, 9-21 og 12-21. Waran er í 56. sæti heimslistans en Ragna er í 66. sæti.

Ragna tekur næst þátt í hollenska opna mótinu sem er frá 11. til 16. október.  Það mót er gríðarlega sterkt, svokallað Grand Prix mót.

Næstu vikur mun Ragna taka þátt í nokkrum mótum á leið sinni til að vinna sér þátttökurétt á Ólympíuleikunum í London næsta sumar.