Skrautleg tíska í Peking

Tískuvikunni í Peking fyrir vor og sumar 2012 er nýlokið. Mercedes-Benz China Fashion Week, eins og hún heitir, stóð frá 24. október til 1. nóvember og kenndi þar ýmissa grasa. Fimmtíu tískufyrirtæki, rúmlega fjörutíu hönnuðir og 180 útskriftarnemar úr fatahönnun tóku þátt í vikunni.

Mercedes-Benz China Fashion Week er haldin annað hvert ár í Peking og nýtur vaxandi álits og vinsælda, enda keppast evrópskir og bandarískir tískurisar um að ná fótfestu á hinum gríðarstóra kínverska markaði. Mörg af stóru evrópsku tískuhúsunum sýndu á vikunni í ár en það sem mesta athygli vakti var hönnun kínversku hönnuðanna, enda virðast hugmyndaauðgi þeirra engin takmörk sett.

- fsb