Dr. Dre tekur sér frí

Rapparinn og upptökustjórinn Dr. Dre ætlar að taka sér frí frá tónlistinni eftir 27 ár í bransanum án teljandi hvíldar.

Fyrst ætlar hann að ljúka upptökustjórn á plötum Slim Da Mobster og Kendrick Lamar. „Eftir að þær eru tilbúnar ætla ég að taka mér frí, vegna þess að ég hef unnið í tónlist í 27 ár. Á þessum tíma hef ég mest verið fjarverandi frá hljóðverinu í tvær vikur í einu," sagði Dre í viðtali við World Entertainment News Network.

Óvíst er hvenær sólóplata hans, Detox, kemur út, en rappáhugamenn hafa beðið spenntir eftir henni. Útgáfunni hefur verið frestað nokkrum sinnum á undanförnum árum. Tvö lög af plötunni hafa þegar litið dagsins ljós, en það eru Kush og I Need a Doctor þar sem Eminem og Skylar Grey voru í gestahlutverki.