Gulla hannar glæsihýsi í Mið-Austurlöndum 26. nóvember 2011 21:00 Gulla Jóns arkitekt rekur stofuna G+ Gulla Jonsdottir Design í Los Angeles. Arkitektinn Guðlaug Jónsdóttir, betur þekkt sem Gulla Jóns, stendur í stórræðum um þessar mundir. Gulla rekur arkitektastofuna G+ Gulla Jonsdottir Design í Los Angeles þar sem hún hefur búið um árabil og hyggst vegna annríkis opna skrifstofur í New York, Zürich, Dúbaí, Beirút og Katar á næstunni. „Ég hef haft í svo ofboðslega miklu að snúast við að sinna verkefnum um víða veröld að mér þótti orðið skynsamlegast að færa út kvíarnar. Því enda þótt internetið veiti alltaf vissan sveigjanleika er gott að hafa vinnuaðstöðu þar sem mest er að gera og geta í leiðinni skapað sér þar nafn í von um fleiri verkefni," segir Gulla en fyrirtæki hennar hefur verið í gríðarlegri sókn frá stofnun fyrir tveimur árum. Með opnun skrifstofanna fimm ætlar Gulla að sækja á ný mið í Evrópu og Mið-Austurlöndum þar sem fjöldi verkefna er á teikniborðinu. „Á heildina litið á sér stað mikil uppbygging í Mið-Austurlöndum," segir hún. „Sjálf er ég að vinna að tveimur byggingum í Beirút, stærsta stað þekktrar veitingahúsakeðju, Mhanna Beirut, og leik- og veitingahúsi í samstarfi við verkfræðistofuna ACS sem ég hef starfað með í Bandaríkjunum. Ásamt þeim ætla ég að opna þrjár skrifstofur í þessum heimshluta," bendir hún á og bætir við að fleiri verkefni séu fram undan með þarlendum aðilum.Gulla segist hafa haft tákn friðar, hvíta eyðimerkurrós, til hliðsjónar við hönnun þriggja hæða veitingastaðar með bar á þakinu fyrir veitingahúskeðjuna Mhanna Beirut. Arabísk skrautskrift verður grafin í hvít steypt spjöld sem líkjast blómkrónu og vernda staðinn fyrir hávaðamengun frá veginum.Þar á meðal hönnun verslana í London, París og Dúbaí fyrir þekktan skartgripahönnuð sem hún vill ekki geta hver er að sinni. Hingað til hefur Gulla aðallega getið sér gott orð sem arkitekt fyrir hönnun á glæsihótelum og veitingastöðum í Bandaríkjunum. Meðal verkefna er endurhönnun hinna þekktu Hollywood-kvikmyndahúsa Kodak Theatre og Grauman's Chinese Theatre, sem er að hefjast og hönnun innandyra á Bellagio-hótelinu í Las Vegas í samstarfi við Philippe Starck en það verður opnað á nýárskvöld. Þá útnefndi tímaritið Esquire hana hönnuð ársins 2010 fyrir veitingastaðinn Red O í Los Angeles.SupperClub Beirut er veitinga- og leikhús með þakgarði. Við hönnun þess sótti Gulla innblástur í nágrenni við hafið. Svörtu „skeljarnar“ líkjast stórum væng sem verður baklýstur en hvítt gler þekur restina af byggingunni og eru svartar súlur meginuppistaðan.Spurð hvernig annríkið og öll þessi ferðalög leggist í hana, segir Gulla ævintýralegan lífsmáta eiga vel við sig. „Ég hef gaman af að ferðast og hef nú frelsi til að fara þangað sem verkefnin kalla á mig," segir hún en getur þess að höfuðstöðvarnar verði þó eftir sem áður í Los Angeles. roald@frettabladid.is Mest lesið Berbrjósta og bleikhærðar með byltingu Lífið Töluðu íslensku við mannhafið Lífið Fullkominn brúðkaupsdagur í sænskum kastala Lífið Fárveik í París Lífið Patrik kaupir glæsihús frænku sinnar Lífið Skiptir stærðin raunverulega máli? Lífið Frumsýning á Vísi: Stikla fyrir aðra seríu af Bannað að hlæja Lífið Ástin sem eftir er framlag Íslands til Óskarsverðlauna Bíó og sjónvarp Stígur út fyrir ramma raunveruleikans Tíska og hönnun Einbýlishús með möguleika á makaskiptum Lífið Fleiri fréttir Stígur út fyrir ramma raunveruleikans Amman helsta fyrirmynd tískudrottningar Reykjavíkur Breyta merki Eurovision Langaði að passa inn en nýtur þess nú að skera sig úr Gervigreindarfyrirsæta í Vogue vekur ugg Hlaupadellan varð að fatamerki: „Ég er giftur götunni“ Skemmtilegasti partur dagsins að klæða sig upp „Fataskápurinn minn gerir ekki ráð fyrir sól“ Íslensk hátíska úr fiskileðri slær í gegn í Vogue Væri teiknimyndapersóna í fullkomnum heimi Er Rihanna best klædda mamma allra tíma? Íslenskur förðunarfræðingur í nýrri herferð Kardashian Hvað er Labubu og hvers vegna eru allir að missa sig yfir því? Upprunalega Birkin taskan seld á rúman milljarð „Best að vera allsber úti í náttúrunni“ Drottningar landsins kjörnuðu sig með Ernu Bergmann Marteinn Högni nýr framkvæmdastjóri Húrra „Núna þori ég miklu meira“ Sjá meira
Arkitektinn Guðlaug Jónsdóttir, betur þekkt sem Gulla Jóns, stendur í stórræðum um þessar mundir. Gulla rekur arkitektastofuna G+ Gulla Jonsdottir Design í Los Angeles þar sem hún hefur búið um árabil og hyggst vegna annríkis opna skrifstofur í New York, Zürich, Dúbaí, Beirút og Katar á næstunni. „Ég hef haft í svo ofboðslega miklu að snúast við að sinna verkefnum um víða veröld að mér þótti orðið skynsamlegast að færa út kvíarnar. Því enda þótt internetið veiti alltaf vissan sveigjanleika er gott að hafa vinnuaðstöðu þar sem mest er að gera og geta í leiðinni skapað sér þar nafn í von um fleiri verkefni," segir Gulla en fyrirtæki hennar hefur verið í gríðarlegri sókn frá stofnun fyrir tveimur árum. Með opnun skrifstofanna fimm ætlar Gulla að sækja á ný mið í Evrópu og Mið-Austurlöndum þar sem fjöldi verkefna er á teikniborðinu. „Á heildina litið á sér stað mikil uppbygging í Mið-Austurlöndum," segir hún. „Sjálf er ég að vinna að tveimur byggingum í Beirút, stærsta stað þekktrar veitingahúsakeðju, Mhanna Beirut, og leik- og veitingahúsi í samstarfi við verkfræðistofuna ACS sem ég hef starfað með í Bandaríkjunum. Ásamt þeim ætla ég að opna þrjár skrifstofur í þessum heimshluta," bendir hún á og bætir við að fleiri verkefni séu fram undan með þarlendum aðilum.Gulla segist hafa haft tákn friðar, hvíta eyðimerkurrós, til hliðsjónar við hönnun þriggja hæða veitingastaðar með bar á þakinu fyrir veitingahúskeðjuna Mhanna Beirut. Arabísk skrautskrift verður grafin í hvít steypt spjöld sem líkjast blómkrónu og vernda staðinn fyrir hávaðamengun frá veginum.Þar á meðal hönnun verslana í London, París og Dúbaí fyrir þekktan skartgripahönnuð sem hún vill ekki geta hver er að sinni. Hingað til hefur Gulla aðallega getið sér gott orð sem arkitekt fyrir hönnun á glæsihótelum og veitingastöðum í Bandaríkjunum. Meðal verkefna er endurhönnun hinna þekktu Hollywood-kvikmyndahúsa Kodak Theatre og Grauman's Chinese Theatre, sem er að hefjast og hönnun innandyra á Bellagio-hótelinu í Las Vegas í samstarfi við Philippe Starck en það verður opnað á nýárskvöld. Þá útnefndi tímaritið Esquire hana hönnuð ársins 2010 fyrir veitingastaðinn Red O í Los Angeles.SupperClub Beirut er veitinga- og leikhús með þakgarði. Við hönnun þess sótti Gulla innblástur í nágrenni við hafið. Svörtu „skeljarnar“ líkjast stórum væng sem verður baklýstur en hvítt gler þekur restina af byggingunni og eru svartar súlur meginuppistaðan.Spurð hvernig annríkið og öll þessi ferðalög leggist í hana, segir Gulla ævintýralegan lífsmáta eiga vel við sig. „Ég hef gaman af að ferðast og hef nú frelsi til að fara þangað sem verkefnin kalla á mig," segir hún en getur þess að höfuðstöðvarnar verði þó eftir sem áður í Los Angeles. roald@frettabladid.is
Mest lesið Berbrjósta og bleikhærðar með byltingu Lífið Töluðu íslensku við mannhafið Lífið Fullkominn brúðkaupsdagur í sænskum kastala Lífið Fárveik í París Lífið Patrik kaupir glæsihús frænku sinnar Lífið Skiptir stærðin raunverulega máli? Lífið Frumsýning á Vísi: Stikla fyrir aðra seríu af Bannað að hlæja Lífið Ástin sem eftir er framlag Íslands til Óskarsverðlauna Bíó og sjónvarp Stígur út fyrir ramma raunveruleikans Tíska og hönnun Einbýlishús með möguleika á makaskiptum Lífið Fleiri fréttir Stígur út fyrir ramma raunveruleikans Amman helsta fyrirmynd tískudrottningar Reykjavíkur Breyta merki Eurovision Langaði að passa inn en nýtur þess nú að skera sig úr Gervigreindarfyrirsæta í Vogue vekur ugg Hlaupadellan varð að fatamerki: „Ég er giftur götunni“ Skemmtilegasti partur dagsins að klæða sig upp „Fataskápurinn minn gerir ekki ráð fyrir sól“ Íslensk hátíska úr fiskileðri slær í gegn í Vogue Væri teiknimyndapersóna í fullkomnum heimi Er Rihanna best klædda mamma allra tíma? Íslenskur förðunarfræðingur í nýrri herferð Kardashian Hvað er Labubu og hvers vegna eru allir að missa sig yfir því? Upprunalega Birkin taskan seld á rúman milljarð „Best að vera allsber úti í náttúrunni“ Drottningar landsins kjörnuðu sig með Ernu Bergmann Marteinn Högni nýr framkvæmdastjóri Húrra „Núna þori ég miklu meira“ Sjá meira