Blóðugt myndband Diktu

Hljómsveitin Dikta vinnur nú að gerð myndbands við lagið Cycles.

Helgi Jóhannsson leikstýrir myndbandinu, sem er ansi blóðugt, bardagakapparnir Sigurjón Viðar Svavarsson og Bjarni Kristjánsson úr Mjölni sjá um að lemja leikarana Alexander Briem og Kjartan Darra Kristjánsson.

Félagi þeirra hjá Mjölni, Jón Viðar Arnþórsson, samdi bardagaatriðin. Leikarinn Gunnar Hansson og bandaríski bardagakappinn Dean Lister koma einnig við sögu í myndbandinu, sem verður frumsýnt á næsta ári.