Enrique að hætta með Roma

Ítalska félagið Roma hefur staðfest að Spánverjinn Luis Enrique muni láta af störfum sem þjálfari félagsins í sumar eftir aðeins eitt ár í starfi.

Roma situr aðeins í sjöunda sæti ítölsku úrvalsdeildarinnar og er ekki mikil ánægja með störf Enrique sem var að þreyta frumraun sína sem aðalþjálfari. Hann hafði aðeins þjálfað B-lið Barcelona áður en hann kom til Roma.

Enrique lét leikmenn félagsins vita af þessu í gær og hann stýrir lokaleik sínum með liðið um helgina.

Ekki liggur fyrir hvað Enrique gerir næst en talið er líklegt að hann muni þjálfa á Spáni.