Tiger lék vel | Bubba og Mickelson í erfiðum málum

Annað stórmót ársins í golfheiminum, US Open, hófst í dag. Tiger Woods hefur lokið keppni í dag en hann kom í hús á 69 höggum eða einu höggi undir pari.

Tiger fékk þrjá fugla og tvo skolla og er á meðal efstu manna.

Sama er ekki hægt að segja um þá Phil Mickelson og Bubba Watson en þeir léku báðir illa. Mickelson kláraði á 76 höggum en Watson á 78.

Bandaríkjamaðurinn Michael Thompson hefur leikið best allra en hann spilaði á 66 höggum eða fjórum höggum undir pari.