Skjálfandafljót: Tveir stórlaxar í morgun!

Veiðimaður sem átti Austurbakka efri í Skjálfandafljóti í morgun upplifði ævintýri þegar hann setti í og landaði tveimur glæsilegum löxum í Fosspolli. Þeir voru 11 og 12 pund.

Á heimasíðu Lax-ár segir af þeim Sævari Helgasyni og Andra syni hans sem áttu góðan morgun í Barnafelli í Skjálfandafljóti þann 19 Júní. En þeir náðu tvemur Löxum 10 og 12 punda á nokkrum klukkutímum en með fréttinni fylgja nokkrar myndir af þessum frábæra degi hjá þeim feðgum.

Eins er það að frétta af bökkum Skjálfandafljóts að Lax-á bíður nú gistingu með laxsvæðunum í Skjálfandafljóti frá með næstu mánaðarmótum. Húsið er staðsett við Köldukinn og nefnist Arnþórsgerði og er við miðja á. Í húsinu er fimm tveggja manna herbergi og ef þörf er á verða dýnur aukalega en auk þess er eldhús og stofa. Mun eitt tveggjamanna herbergi fylgja hverri stöng.

Það eru lausar stangir næstu daga og fljótið tært og fallegt, segir á heimasíðu Lax-ár, og afar jákvætt að „nýtt" svæði er að komast á kortið í laxveiðinni.

svavar@frettabladid.is