Fyrirtækjafluga sem lifði góðærið af

Fyrir fáeinum árum létu mörg helstu stórfyrirtæki landsins hnýta fyrir sig laxaflugur í litum fyrirtækisins. Flestar þeirra reyndust dægurflugur og lifðu ekki af "góðærið". Fáeinar sönnuðu sig þó, lifa enn og gefa góða veiði. Eimskipafélagsflugan er ein af þeim.

Flugan, sem er mjög falleg, hvít, blá og grá, er hnýtt á silfurþríkrók og gefur best í stærðum frá 10 til 14.



Uppskrift:

Krókur - VMC silfurþríkrækja

Tvinni - Hvítur UNI 8/0

Stél - Hvítt hrosshár og nokkrir silfurlitaðir glitþræðir

Vöf - Ávalt UNI silfurtinsel

Búkur - Grátt ullarband

Skegg - Hvítar fanir af hænu hálsfjöður

Undirvængur - Hvítt hrosshár

Yfirvængur - Blátt hrosshár

Haus - Hvítur