Vatnsáin vatnslítil; Kropp í Gufuá

Kunnugur segja að Vatnsáin hafi ekki var jafn vatnslítil í tugi ára. Frá þessu er greint á vefnum veiða.is. Þar segir að Vatnsáin hafi farið ágætlega af stað í sumar en nú sé staðan önnur. Svo virðist sem laxinn hafi stoppað niður í Kerlingadalsá og bíði eftir betra vatni til að ganga.

Á veiða.is er stuttar fréttir úr ýmsum áttum. Þar segir að fínn gangur hafi verið í Langholtinu í Hvítá í sumar. Um 200 fiskar komnir á land og nokkrir ansi vænir. Nóg vatn hefur verið í Hvolsá og alveg bærilegt í Staðarhólsá og hefur veiðin í þessum ám verið þokkaleg undanfarið.

Í Hörðudalsá hefur veiðin verið sæmileg þrátt fyrir þurrka og blíðviðri. Á veiði.is er talað um að í Gufuá haldi kroppið áfram. Nokkuð mikið sé af fiski á neðstu svæðum árinnar en hún sé vatnslítil. Veiðin í Hólsá/Þverá hefur verið fín og nýtur svæðið góðs af kröftugum göngum í Eystri Rangá.

"Heldur hefur veiðin róast í Búðardalsá enda hefur vatnið í ánni minnkað mikið. Veiði í ánni er þó heldur meiri en á sama tíma í fyrra og góður tími framundan, ekki síst af veðurspá næstu daga rætist," segir á veiða.is.

trausti@frettabladid.is