Snurða á söluþráðinn í Grímsnesinu

Ásgarðsland í Grímsnesi ásamt veiðiréttindum og veiðihúsi við Sogið er enn í eigu Grímsness- og Grafninghrepps sex mánuðum eftir að sveitarstjórnin ákvað að taka hæsta tilboði í eignina.

Eign Grímsness- og Grafningshrepps í Ásgarðslandi ásamt veiðirétti, veiðihúsi og strandlengju Sogsins ásamt eignarhlut einkaaðila í tveimur lóðum, lögbýlisrétti Ásgarðs, veiðirétti og strandlengju árinnar var auglýst til sölu fyrr á árinu.

Sjö tilboð bárust. Var hæsta tilboðið 181 milljónir króna og áttti hlutur sveitarfélagsins í söluverðinu að vera 126,7 miljónir króna. Sveitarstjórnin samþykkt fyrir sitt leyti að taka hæsta boðinu 18. apríl í vor eða fyrir nærri sex mánuðum.

Sem fyrr segir er salan en ekki gengið í gegn og ekkert hefur spurst af framgangi málsins. Aldrei var gefið upp opinberlega hverjir stóðu að tilboðunum sem bárust.