Íslenska sveitin úr leik á HM í karate

Íslenska landsliðið í karate féll úr keppni í gær á heimsmeistaramótinu sem fram fer í París í Frakklandi. Ísland keppti í hópkata en sveitina skipa þær Aðalheiður Rósa Harðardóttir, Kristín Magnúsdóttir og Svana Katla Þorsteinsdóttir.

Hvít-Rússar voru mótherjar Íslands og tapaði Ísland 4-1. Íslenska sveitin framkvæmdi æfingar sem nefndar eru Jion en Hvít-Rússar voru með æfingu sem kallast Seipai.

Fyrr í þessari viku endaði Aðalheiður Rósa í 9. til 16. sæti í einstaklingskata kvenna. Aðalheiður Rósa var ein af 51 keppendum í greininni.