Ólafur á fjórum undir pari eftir annan hring

Kylfingurinn Ólafur Björn Loftsson úr Nesklúbbnum lék annan hringinn á Disney - Lake Buena Vista mótinu í golfi sem fram fer í Flórídafylki í Bandaríkjunum.

Ólafur spilaði fyrsta hringinn í gær á þremur höggum undir pari og er því á fjórum höggum undir samanlagt. Ólafur deilir 23. sæti ásamt átta kylfingum en um helmingur keppenda á eftir að ljúka leik.

Alexander Gylfason úr GR lék hringinn í dag á pari en hann var á einu yfir í gær. Hann er því á einu höggi yfir pari samanlagt og í 74. sæti.

Fjörutíu efstu kylfingarnir komast í gegnum niðurskurðinn. Því er ljóst að Alexander er úr leik en möguleikar Ólafs eru ágætir.

Hægt er að fylgjast með stöðunni í mótinu með því að smella hér.