Federer með fótboltatakta á tennisvelli í Brasilíu - myndband

Roger Federer, sem verið hefur í fremstu röð í tennisíþróttinni í mörg ár, er á ferð um Brasilíu þar sem verið er að kynna tennis. Brasilía verður gestgjafi næstu ólympíuleika sem fram fara í Rio de Janero eftir fjögur ár og er kynningarherferðinni ætlað að vekja áhuga almennings í Brasilíu á leikunum og tennisíþróttinni.

Federer vakti mikla kátínu þegar hann kom fram í sýningarleik gegn Tommy Haas í Sao Paulo. Federer mætti til leiks í landsliðstreyju Brasilíu og var með risastóran tennisbolta sem var á stærð við fótbolta. Þar sýndi hann lipra takta í þjóðaríþrótt Brasilíumanna, fótbolta, en það er óhætt að segja að Federer er mun betri í tennisíþróttinni en fótbolta.

Í myndbandinu hér fyrir neðan má sjá hvernig til tókst hjá Federer.