Stafrænir Bítlar

Teiknimynd Bítlanna, Yellow Submarine, frá árinu 1968 hefur verið endurunnin stafrænt og verður gefin út á mynddiski 28. maí. Plata með tónlist myndarinnar verður endurútgefin sama dag.

John Lasseter, yfirmaður hjá Pixar og Disney, skrifar í sextán blaðsíðna bækling sem fylgir með útgáfunni.

„Sem aðdáandi teiknimynda og sem kvikmyndagerðarmaður, tek ég ofan fyrir þeim sem bjuggu til Yellow Submarine. Byltingarkennt starf þeirra ruddi brautina fyrir fantasíuheim teiknimyndanna sem við höfum svo gaman af í dag," skrifaði hann.

Meðal laga í myndinni eru titillagið Yellow Submarine, Eleanor Rigby, When I"m Sixty Four, Lucy in the Sky with Diamonds og All You Need Is Love.