Augnhárabrettir ómissandi til að skerpa augun

María Builien Jónsdóttir nemi og eigandi ICE import ehf upplýsti okkur um fimm snyrtivörur eða hluti sem hún getur ekki verið án. Hún leggur áherslu á góð næringarrík krem á sama tíma og hún viðurkennir fúslega að hún verslar sér ódýra eye-liner í næstu matvörubúð.

Elizabeth Arden - Green tea, honey drops body cream, ekkert betra eftir heita sturtu en að bera þetta dásamlega krem á sig til þess að fá raka í húðina og lyktin æði.

MAC Studio sculpt concealer til þess að þekja dökku hringina undir augunum á veturna þegar maður er orðinn þreyttur á skammdeginu.

Augnhárabrettir, vegna þess að ég er með þessi klassísku asísku augnhár sem virðast einungis vilja vaxa beint niður. Ómissandi til þess að skerpa augun og gera þau "opnari".

Biotherm - Skin-ergetic andlitskremið, létt krem með miklum raka og æðisleg lykt af því. Þar sem ég hef alltaf verið með mjög góða húð þá þríf ég einungis andlitið með vatni og er þetta það eina sem ég nota á húðina dags daglega.

Svartur Eye-liner, en ég kaupi yfirleitt bara einhvern ódýran í næstu matvörubúð. Nauðsynlegt fyrir þessi stóru augu sem mér áskotnaðist.